السلام عليكم ورحمة الله اليوم غنقدم لكم ديسير ساهل ولديييد ورائع واللي داقو كيعجبو نخليكم مع الطريقة والمقادير: غتحتاجو 4 دانونات فلون كراميل ،ليبودواغ،ساشي كريم شونتيي،كاس حليب بارد مزيان،قهوة مدوبة فالما،البنان،كريم كراميل اولا وجدو الكريم كراميل فيه كاس سنيدة ديروه يدوب على عافية مهييلة كيف يدوب زيدوه معلقة زبدة وحركوها وزيدوه معلقة مايزينا مدوبة فكاس الما وحركوه مزيان وحيدوه يبرد،غتاخدو ليبودواغ وتدوزوهم من الجهات بجوج فالقهوة اللي مدوبة فالما وتبداو تستفوهم فالمول ديرو طبقة وحدة من بعد خودو اناء خوو فيه دانون والكريم شونتيي والحليب وطربو حتى يطلع الخليط مزيان وخووه على ليبودواغ سرحوه مزيان ودخلوه للتلاجة يبرد ويقبط فراسو شوية خرجوه قطعو عليه لبنان وخوو لكريم كراميل اللي وجدتو وسرحوه غير بالمهل حتى تغطيو الوجه كامل ديرو الكمية اللي بغيتو انا عملت غير لقياس دالكريم كراميل ودخلوه مرة تانية للتلاجة يرتاح مزيااان ويبرد وقدموه بالصحة والراحة كيجي رائع ويعجب الصغار والكبار