بيتي مملكتي وسعادتي

السلام عليكم ورحمة الله وبركاته هادي وصفة ديال لمايونيز للي ما كيبغيش البيض الله يجازي مولاتو خير وليت هو اللي كنعتامد ديماحاجتنا كاس حليب,جوج فرماجات ,الملح,البزار,الزيت,الخل غير لقياس ممكن تضيفو نكهات حسب الرغبة بحال التوم متلا كنطربو الفروماج مع لحليب مزيان ونزيدو لملح ولبزار والخل ونطربو عاد نبداو نزيدو الزيت حتا يعقاد وباش انجح كلشي على كيفا كتخوي الزيت خاص الخيط ما يتقطع وانتي كطربي وزيدو شوية عصير لحامض هو كيساعد باش اتجمع لمايونيز راه كيجي زوين وغيعجب لوليدات حتا هما جربوه وردو عليا لخبار تحياتي ام جنات

السلام عليكن ورحمة الله حبيباتي اليوم ساقدم مجموعة رائعة للقفطان بالوان مختلفة ترضي جميع الادواق  اترككم مع الصور وانتظر ارائكم تحياتي ام جنات

السلام عليكم ورحمة الله تعالى وبركاته كل امراة تحب الظهور باجمل حلة  ومظهر وخصوصا الوجه فهو يعبر عن جمالها الخارجي الا ان اغلب النساء تقع في خطأ نمص الحواجب الذي حرمه الله تعالى وتعصي ربها لتكون جميلة هدا حل بسيط لاخفاء الحاجب دون الحاجة الا ازالته اول حاجة مشطي لحاجب وغطي البلاصة اللي بغيتي تخبي بقلم العين ابيض تكوني دوزتيه على لبريكة باش اسخن شويا وطراسي بيه تحت الحاجب تانيا خبي اللون الابيض بلونتيسيغن ماشي تمسحي اتبقاي غير تمسي بصبعك غير كتحطي فيه تالتا زيدي لفغابوبييغ من لفوق وانتي غير كتحطيه ماشي كتمسحي غير كتضغطي وصافي رابعا طراسي حاجبك بقلم الحجبانوديري الشكل اللي يناسبك اخيرا زيدي شوية فاغابوبييغ من الفوق وهالحاجب مقاد بحال الا نتفتيه والصور غتوصح الطريقة نتمنا انفعكم وتبعدو على النمص تحياتي ام جنات

ا لسلام عليكم ورحمة الله وبركاته لتحضير لكروفيت بالزعتر نحتاجو                           500 غرام كرو فيت                            الملح,الابزار               3 التومات ممعوسين بقشورهم                    معلقة كبيرة زعتر يابس             ******************* في مقلة ما كتلصق نقليو لكروفيت والتومة,الملح والابزار,والزعتر نحكوه ونرشوه غطي لمقلة ومرة مر ة حركي حتا يطيب كيجي لديد والنكهة ديال الزعتر عاطية فيه نتمنى يروقكم تحياتي ام جنات

السلام عليكم ورحمة الله تعالى وبركاته غنقدم لكم هاد الوصفة ديال الدجاج ساهلة ماهلة وما فيها عداب الدجاج بصوص ياغورت هنا رافقتها بالزعلوك وسلطة البطاطا وسلطة الروز وخيزو محكوك وقدمت معاهم عصير الليمون والخوخ الاقتصادي   هاد المقادير تكفي 4 الناس على بركة الله نبدا                                     جوج دانون مسوس                  جوج تومات مهروسات                جوج ورقات سيدنا موسى                    معلقة صغيرة موتارد                          ملح والابزار                    كاس صغير ديال لما 4 افخاد الدجاج او اللي حبيتو انا استعملت الصدر               ****************** فاناء خلطي دانون والتومة وورقة موسى ولموتارد والملح والابزار ندهن الفخيدات بالخليط نغطيها ونحطها فالتلاجة واحد ساعة تقريبا ناخد لمول نستف فيه الفخاد ونخوي الصوص اللي بقا ليا بعد ما زدت ليه كاس لما ونغطيه ببابيي الومنيوم ندخلها لفران واحد 40 دقيقة تقريبا وحمريهم الا بغيتي انا كيعجبني نخللي معاهم لاصوص وقدميهم مع اللي حبيتي وقبلو عليا وصافي تحياتي ام جنات

السلام عليكم ورحمة الله تعالى وبركاته اخواتي الحبيبات اليوم سنفتتح هذا الركن الخاص بالبيت والاشغال اليومية لان الكثير من النساء تعاني مشكلة عدم التنظيم وتراكم الاشغال في البيت زيادة على رعاية الابناء فلا تجد لنفسها الوقت الكافي لا للراحة ولا للاهتمام بنفسها فتهمل شكلها ومنظرها وتصبح تعبة منهارة نفسيا وجسديا لذلك اقترح ان تقدم لنا كل واحدة افكارها وطرق تنظيف البيت وحلول للمشاكل التي تصادفها في بيتها ولما لا نعطي نصائح فيما يخص الديكور وكيفية تناسق الاثاث وترتيب البيت على احسن وجه لا تبخلو على اخواتكم المبتدئات تحياتي ام جنات

السلام عليكم ورحمة الله تعالى وبركاته اخواتي غنقدم لكم هاد العصير وكنتمى يعجبكم                         حبة لافوكا                      نص لتر حليب                           سنيدة                        رشة قرفة                لفريز لكمية اللي حبيتو                       جيرفي فريز             ******************* نطحنو لافوكا والحليب وسنيدة ولقرفة نحضرو كولي ديال لفريز اولا نحطو لفريز فشي بواطة ونخويو عليه لما ونخلوه واحد 10 دقايق باش التراب اللي فيه انزل من بعد نقطعوه طراف ونطحنوه مع دانون وشوية سنيدة فكاس التقديم كنصبو لافوكا هي الاولى عاد نزيدو لفريز من لفوق ممكن تزينو الكؤوس بالفريز او تغطسو فم لكاس فالسيرو ومن بعد فالسنيدة انا كنت زربانة نحط لغدا ما بقا لوقت فين نزوق ;) تحياتي ام جنات

السلام عليكم ورحمة الله هادو ميني بيتزا بالطون كيجو لداد نبداو على بركة الله بالنسبة لمقادير العجين          رابعة دقيق            قبصة لملح    معلقة صغيرة خميرة عادية        الزعتر محكوك        نص كاس زيت لعود                الماء دافي بالنسبة الصوص           مطيشة محكوكة                 الملح                الابزار                 الزعتر                 الكامون           التومة مهروسة      جوج معالق مطيشة لحك              معلقة دقيق           حك ديال الطون                الربيع مقطع           الزيتون مقطع دواور             فروماج محكوك                 **********************                  الطريقة العجينة نجوفو الدقيق ندير وسطه لخميرة لملح ونرش الزعتر نخوي الزيت ونبدا نجمع العجين وانا كنزيد فالما حتا تجمع لعجينة تكون مرخوفة نعملها كورة ونحطها فشي بواطة نفلحها من لوسط بموس على شكل+ ونخوي فيها شوية الزيت ونغطيها نخلليها تخمر ساعة تقريبا الصوص فمقلة ندير زيت الرومية وشوية البلدية نخوي مطيشة ونزيدها لملح والابزار ومطيشة لحك والكامون والزعتر والتومة شوية الربيع و

السلام عليكم ورحمة الله تعالى وبركاته  حبيباتي الغاليات سيتم باذن الله افتتاح مدونة ام جنات التي تهتم بالمرأة المغربية &nbsp ;وحياتها الخاصة سواء صحة، م وضة، جمال، وحياتها الاسرية،من طبخ وتدبير شؤون البيت   وتربية الابناء كل ما يتعلق بها من كافة النواحي  واطلب من الله القدير ان يجمعني واياكم على محبته ومساعدة بعضنا البعض  في امان الله تحياتي ام جنات